Tom Leffler: Golovkınniń Kottomen jekpe-jegi qyzyqty oqıǵa bolar edi
ASTANA. QazAqparat - Gennadıı Golovkınniń múddesin bildiretin K2 Promotions promoýterlik kompanııasynyń basshysy Tom Leffler qazaqstandyq boksshynyń pýertorıkandyq Mıgel Kottomen yqtımal jekpe-jegi týraly pikirin bildirdi, dep habarlady Sports.kz.
«Meniń túsinýimshe, olar Kotto úshin kezekti qarsylasty taba almaı otyr. Eger qandaı da bir usynys bolsa, biz ony qaraımyz. Al eger bolmasa, biz bireýlerdi Golovkınge qarsy rıngke shyǵýǵa májbúrleı almaımyz», - dep atap ótti Leffler.
Sondaı-aq Tom Leffler Golovkın-Kotto jekpe-jegi kóp satylatyn urys bolar edi degen paıymyn bildirdi.
«Golovkınniń komandasyndaǵylar Mıgel Kottoǵa jáne onyń jetistikterine qurmetpen qaraıdy. Onyń úzdik orta salmaqtaǵy Serhıo Martınesti jeńýi básekege qabilettiligin kórsetedi. Madison Square Gardenniń barlyq bıletteriniń tolyq satylyp ketýi osyny aıǵaqtaıdy. Onyń ústine Golovkınniń ótken senbidegi jekpe-jegin qosyńyz. Sony eskere kelgende, olardyń jekpe-jegi óte qyzyqty oqıǵa bolar edi», - dep qosty K2 Promotions basshysy.
