Tom Leffler: «Golovkın - Leme jekpe-jegine nebári 292 bılet qaldy»
ASTANA. QazAqparat - WBA (Super) jáne WBC (Interim) nusqalary boıynsha orta salmaqtaǵy álem chempıony qazaqstandyq Gennadıı Golovkınniń promoýteri Tom Leffler qaraýyndaǵy boksshynyń osy salmaqtaǵy IBF nusqasy boıynsha álem chempıony 26 jastaǵy kanadalyq Davıd Leme kezdesýiniń shamamen barlyq bıleti satylǵanyn aıtty, dep jazady sports.kz.
Eske sala keteıik, bul jekpe-jek 17 qazanda Nıý-Iorkte Madison Square Garden arenasynda ótedi. Ony HBO telearnasy aqyly translıatsııa júıesi (PPV) boıynsha kórsetedi.
«Shoý bıletteriniń barlyǵy derlikteı satyldy, - dedi promoýter. - Sońǵy derekter boıynsha bizde nebári 292 bılet qalǵan». Atap ótý kerek, Madison Square Garden arenasyna shamamen 18 myń kórermen syıady.
Eske salaıyq, bul shoý aıasynda taǵy bir qyzyqty kezdesý ótedi. WBC boıynsha jeńil salmaqtaǵy álem chempıony 28 jastaǵy nıkaragýalyq Roman Gonsales sharshy alańda 34 jastaǵy Braıan Vılorııamen kúsh synasady.
