Tom Leffler: Golovkın-Alvares jekpe-jegi týraly ázirge eshteńe sheshilgen joq
ASTANA: QazAqparat - Gennadıı Golovkınniń promoýteri Tom Leffler Boxingscene.com-ǵa GGG-diń Saýl Alvarespen jekpe-jegin uıymdastyrý týraly kelissózderdiń aǵymdaǵy jaǵdaıy týraly baıandap berdi, dep jazady Sports.kz.
«Ázirge Gennadıı úshin eshteńe sheshilgen joq, biz kútip otyrmyz. Oskar (De La Hoııa) olardyń sot qaraýynan keıin biz birge otyryp, qandaı múmkindikter bar ekenin qarastyratynymyzdy aıtty. Eń bolmaǵanda, biz basqa nusqalardy qarastyratyn bolamyz», - dedi ol.
Lefflerdiń aıtýynsha, Golovkın rıngqa qyrkúıekte, odan keıin qarasha nemese jeltoqsanda qaıtyp oralýy múmkin.
«Onyń mindeti - boksta eń belsendi chempıon bolyp qalý», - dedi promoýter.
Sondaı-aq Leffler osy juma kúni Golden Boy ókili Erık Gomespen áńgimeleskenin atap ótti.
