Tom Leffler: «Golovkın-Alvares aıqasy týraly aýyzsha kelisimdi jazbashaǵa aınaldyrý kerek»
ASTANA. QazAqparat - Promoýter Tom Leffler 2017 jyldyń kúzinde ótetin Gennadıı Golovkın men Saýl Alvarestiń jekpe-jegi týraly aýyzsha ýaǵdany jazbasha kelisimge aınaldyrý úshin Golden Boy ókilderin kóndirýge tyrysatynyn aıtty, dep habarlady Sports.kz.
- Menińshe, kelesi qadam shynaıy bolýy úshin mindetti kelisimniń bolýy shart. Bıylǵy jyldyń qyrkúıek aıynda Golovkın men Alvarestiń aıqasqa túspeıtini belgili boldy. Demek, kelesi jyldyń qyrkúıek aıyn qarastyrýymyz kerek. Jáne biz kelesi jyly ótetin Golovkın men Kanelo tóbelesiniń kestesin quratyn bolsaq, naqty bir sheshimge keler edik.
Golden Boy promoýterlik kompanııasymen ara qatynasym jaqsy, onyń vıtse-prezıdenti Erık Gomespen únemi baılanystamyn jáne osy máseleniń sheshilýin taǵatsyzdana kútemiz.
Kanelony bireýden qorqady dep oılamaımyn. Ol Gennadıımen tóbelesýdi qalaıdy. Olar tek marketıng jáne promoýshen jaǵyn rettep alǵysy keledi. Bul bir jyl ǵana, sol sebepti olarǵa kiná taǵa almaımyn. Bul Floıd Meıvezer men Mennı Pakıao shaıqasy sekildi bes jyldyq protsess emes. Bizdiń erkimiz bolǵanda, Kanelomen anaǵurlym erterek aıqasar edik.
