Tom Leffler: Alvarespen revansh bolmaı qalsa, basqa josparymyz bar
ASTANA. QazAqparat - Promoýter Tom Leffler eger mamyrda Saýl Alvarespen revansh ótkizýdiń sáti túspese, Gennadıı Golovkın úshin qandaı jekpe-jek ótkizgen durys ekendigi týraly aıtty, dep habarlaıdy Sports.kz.
«Eger revanshty uıymdastyrýdyń sáti tússe, ol mamyrda ótedi. Eger qandaı da bir sebeppen ol júzege aspaı qalatyn bolsa, Gennadıı kelesi jekpe-jegin naýryz-sáýir aılarynda, tipti, odan da erte - aqpanda ótkizýi múmkin. Orta salmaq dıvızıony qazir qyzyp tur, bul sanatta myqty boksshylar kóp. GGG qashan da barlyq beldikti jınap alýdy qalaıdy, sondyqtan da bizdiń «B josparymyz» biriktirýshi jekpe-jek (Bıllı Djo Sonderske qarsy) bolýy múmkin. Eger onyń da sáti túspese basqa boksshylar da bar - Rıota Mýrata Japonııada úlken jeńiske jetti, Dennı Djeıkobs qarashada HBO sharshy alańyna shyǵady, Demetrıýs Andrade de taıaýda ǵana jeńiske jetti, sosyn Djermall Charlo bar, ol - Gennadıımen judyryqtasýǵa mindetti kandıdattardyń biri. Orta salmaqta qazir aıtýly jekpe-jek ótkizýge kandıdattar kóp», - dedi Leffler Ring TV-ge bergen suhbatynda.
