Tolysyp ketken ishki ister qyzmetkerlerine aryqtaý mindetteldi
ASTANA. QazAqparat - Tájikstan Іshki ister mınıstri Ramazon Rahımzoda artyq salmaqpen ómir súretin tájik mılıtsıonerlerine jumystaryn joǵaltyp almas úshin aryqtaýdy mindettedi, dep habarlaıdy QazAqparat bbc.com saıtyna silteme jasap.
«Qyzmetker tolysyp ketti, jumysqa qabilettilik tómendedi, ol kóp tamaqtanyp, az eńbek etedi. Buǵan bir shara qoldaný kerek. Áıtpese, ol salmaq qosýdy jalǵastyrady, al bul jumys sapasyna áser etetin bolady», - dep atap ótti qaljyń aralastyra Tájikstan ishki ister mınıstri.
Qyzmetkerlerdiń birimen salaýatty ómir salty jóninde jaı ǵana áńgime júrgizilse, birine jumysty joǵaltyp almas úshin aryqtaýǵa tabandy túrde keńes berilýde.
Tájikstan ІІM-niń baspasóz qyzmeti el mılıtsıonerlerine udaıy sportpen shuǵyldanatyn mınıstrdi úlgi etti.
«Onyń fýtbolda kórsetkishteri jaqsy, ol shahmatty tamasha oınaıdy. Óz mınıstrlerinen úlgi alýy kerek», - dedi Tájikstan ІІM baspasóz qyzmetiniń jetekshisi Ýmardjonı Emomalı.
Bul rette, Dúnıejúzilik densaýlyq saqtaý uıymynyń málimetterine sáıkes, Tájikstan turǵyndary postkeńestik elder arasynda semizdikke eń az shaldyǵady. Elde artyq salmaqtan erlerdiń - 9, áıelderdiń 15 paıyzy zardap shegedi. Bul postkeńestik keńistikte eń tómen kórsetkish.
