Tolyq januıa balalardy psıhıkalyq problemalardan qorǵaıdy
ASTANA. QazAqparat - Tolyq emes (anasy nemese ákesi ósirgen) nemese asyrap alǵan januıada ósken balalar psıhıkalyq problemalardan úsh ese kóp zardap shegedi.
The Telegraph habarlaǵandaı, 10 myńnan astam balanyń qatysýymen zertteý júrgizildi. Osylaısha týǵan anasynyń jáne ákesiniń qolynda ósken balalarda psıhıkalyq másele úsh ese az týyndaǵany belgili boldy.
London Ýnıversıtettik kolledjiniń qyzmetkerleri balalardyń jaǵdaıy olardyń ósken ortasymen baılanysty ekenin aıtty. Ajyrasý nemese otbasyndaǵy úlken másele balalarǵa keri áser etedi. Jalpy aıtarlyqtaı psıhıkalyq problema tolyq januıadaǵy balalardyń 6,6%-da kezdesti. Tolyq emes januıada olardyń qatary 15%, al asyrap alǵan januıalarda 18,1% boldy.
Tolyq emes (anasy nemese ákesi ósirgen) nemese asyrap alǵan januıada ósken balalar gıperbelsendilik pen is-áreketterdegi problemalardan zardap shekti. Asyrap alǵan januıalardaǵy árbir besinshi bala tóbelesken nemese shý shyǵarǵan. Atap ótý kerek, qyzdardan góri bul problema uldar arasynda kóbirek kezdesti.
Bala kedeı otbasynda ósse, onda psıhıkalyq kemshilikterge tap bolý qaýpi artady eken, dep jazdy meddaily.ru.
