Tolyq tsıkldy qýatta jumys isteıtin jańa avtomobıl zaýyty salynady
Kásiporyn kólikterdi tek usaq torapty ádispen óndirip, shanaǵyn dánekerleý jáne boıaý jumystary júrgiziledi. Osyǵan oraı Astana Motors pen qytaı kompanııalary arasynda úsh memorandýmǵa qol qoıyldy. Bul týraly Qazaqstannyń mashına jasaýshylary forýmy aıasynda QR IIDM Indýstrııalyq damý komıteti tóraǵasynyń orynbasary Oljas Saparbekov málimdedi, dep habarlaıdy QazAqparat mınıstrliktiń baspasóz qyzmetine silteme jasap.
Avtomobıl jasaýdy damytý máselelerine arnalǵan sektsııalyq otyrys barysynda Oljas Saparbekov salada júzege asyrylyp jatqan jańa jobalar jaıynda egjeı-tegjeıli baıandap berdi. Búginde koreıalyq Yongsan kompanııasymen Hyundai Accent jáne Hyundai Tucson modelderine arnalǵan avtomobıl oryndyqtaryn óndirý boıynsha birlesken joba pysyqtalýda.
Sonymen qatar, «Hyundai Trans Kazakhstan» JShS zaýytynda shyǵarylatyn Hyundai Accent, Hyundai Tucson, Hyundai Santa Fe, Hyundai Elantra modelderine mýltımedııalyq júıelerdi ornatý úshin MOTREX kompanııasymen jumystar júrgizilýde. Bul jobalar shyǵarylatyn modelderdegi qazaqstandyq qamtý úlesin jáne jumys oryndarynyń sanyn ulǵaıtýǵa múmkindik beredi.
Mashına jasaý tehnologııalyq turǵydan ónerkásiptegi eń kúrdeli salalardyń biri. Mashına jasaýda bir jumys ornyn qurý ózge baılanysty salalarda alty jumys ornyn ashýǵa múmkindik beredi. Salanyń mańyzdy baǵyttarynyń biri - avtomobıl jasaý.
«2010 jyldyń qorytyndysy boıynsha avtomobıl jasaý mashına jasaýdyń barlyq salasynyń ishinde nebári 5% - yn qurady. 2021 jyldyń qorytyndysy boıynsha avtoónerkásiptiń úlesi 32,1% - ǵa deıin artty. Bıyl birinshi jartyjyldyqta bul kórsetkish 37,5% - ǵa jetti. Nátıjesinde, qysqa merzim ishinde avtoóndirýshiler sany artyp, únemi salyq túsimderin qamtamasyz etetin sala qalyptasty», - dedi Oljas Saparbekov.
Spıker óz sóziniń sońynda Mınıstrliktiń qyzmeti óńdeý ónerkásibi salalaryn keshendi damytýǵa baǵyttalǵanyn atap ótti.
«Kásipkerlik kodeks sheńberinde kólik quraldaryn ónerkásiptik qurastyrý jáne kólik quraldaryna komponentterdi ónerkásiptik qurastyrý týraly jańartylǵan kelisimderdi engizý josparlanǵan. Sondaı-aq, oqshaýlaýdy baǵalaýdyń baldyq júıesi engizildi, osylaısha usynylatyn preferentsııalardy tıimdi paıdalanýǵa jáne bólýge múmkindik bar»,-delingen QR IIDM Baspasóz qyzmeti taratqan aqparatta.
