«Tolyq adam» ulttyq tárbıe modeli iske asyrylady - Oqý-aǵartý mınıstrligi
«Tujyrymdamada tárbıeniń, adamı qundylyqtardyń, otbasylyq tárbıeniń mańyzdylyǵy erekshe oryn aldy. Oqytý barysynda «Qundylyqtarǵa baǵyttalǵan bilim berý» tásili qoldanylady. Bilimge qushtarlyq, eńbekqorlyq, otansúıgishtik, ulttyq murany qasterleý, bir-birimen syılastyq pen yntymaqtastyq, meıirimdilik pen qamqorlyq, memlekettik múddeni qorǵaýǵa daıyn bolý sııaqty negizgi qundylyqtar aıasynda «Tolyq adam» ulttyq tárbıe modeli iske asyrylady», - dedi A. Aımaǵambetov.
Sonymen qatar ol balalardy úıirmelermen qamtý baǵytyna toqtaldy.
«Qazirgi kezde qamtý kórmsetkishi 70 paıyzdy qurady. Oqýshylar saraılary, jas tehnıkter stantsııalary, mýzyka jáne óner mektepteri, balalar tehnoparkteri ashylady. Bilim berý uıymdarynda pikirtalas qozǵalysy, mektep jáne stýdenttik ózin-ózi basqarý belsendi damyp keledi. Debat qozǵalysyn jáne mektepterdiń parlamentterin barlyq oqý ornynda damytamyz», - dedi mınıstr.
Onyń sózine qaraǵanda, shahmatty elimizde keńinen nasıhattaý baǵytynda bilim berý uıymdaryna qoldaý jasalady. Osy oraıda qazir fakýltatıv retinde 28 myńǵa jýyq balaǵa arnalǵan 600-den astam mektepte engizildi. Al mektepterdegi shahmat sektsııalarynda 200 myńnan astam bala qamtyldy.
«Balalardy kitap oqýǵa baýlý jumystary júıeli túrde uıymdastyrylady. «Oqýǵa qushtar mektep» jobasy iske asyrylady. Sońǵy eki jylda mektep kitaphanalaryna 3,6 mln balalar kórkem ádebıeti satyp alyndy, onyń 71 paıyzy memlekettik tilde. Bul shyn máninde keremet joba. Odan ári kórkem ádebıet qory jańartylady. Ásirese, qazaq tilindegi ǵylymı-fantastıkalyq ádebıetpen, tanymdyq ádebıetpen qamtamasyz etý jumysy jalǵasady», - dedi vedomstvo basshysy.
Foto: t.me/KZgovernment