Tolqyn Qabylsha Elbasyǵa jyr arnady
ASTANA. QazAqparat - Búgin Aqordada Qazaqstannyń áıelder qaýymy ókilderimen ótken «Kóktem shýaǵy» atty kezdesý barysynda qyzylordalyq aqyn Tolqyn Qabylsha Elbasy Nursultan Nazarbaevqa arnalǵan óleńin oqyp berdi, dep habarlaıdy QazAqparat.
«Ózińiz Alashtyń anasyna balaǵan Syr ólkesiniń, qasıetti Qyzylorda halqynyń ystyq sálemin ala keldim. Búgingideı shýaqty merekede júzdesý, dıdar-ǵanıbet bolý biz úshin aıryqsha mártebe, zor qýanysh dep bilemin. Ruqsat etseńiz, aqynǵa qara sózden óleń ońaı deıdi. Búgingi aıaýly merekede júrekjardy jyrymdy oqyp bersem:
Jan bolyp óstim ıbaly, jetelep ıgi oı-arman.
Otannyń sulý dıdary, nuryna tańnyń boıalǵan.
Erke óstim erkin elde men, aıalap azattyǵymdy.
Pash etim barlyq jerge men, jasampaz qazaqtyǵymdy.
Ana bop jáne til qattym, sábıdiń daýsyn estigen.
Bolashaǵymyz da ún qatty, ýildep aǵash besikten.
Otannyń máńgi tuǵyry, taý-tasy, kóli ormany.
Balanyń beıbit ǵumyry, ananyń asyl armany.
Armandy sol bir tiledim, aqıqat qylǵan joldasyn.
Qazaqtyń árbir júregin, Táýelsiz qylǵan Elbasym.
Alyp ta týar anadan, támsildi osy oıǵa aldym.
Elbasyn týǵan dara adam, anadan Sizdiń aınaldym.
Otandy uly baıtaǵym, Kórkeıtken Sizge arysym.
Iilip rahmet aıtamyn, urpaǵym úshin, bári úshin», - dedi aqyn.
«Aqyn qyzdarymyzdyń jolymen júrip kele jatyrsyń. Tabysty bol, árýaqytta órkeniń óssin! Shabytyń tası bersin!», - dep tilegin bildirdi óz kezeginde Nursultan Nazarbaev Tolqyn Qabylshaǵa.
