Tólqujaty shımaılanǵan qytaılyq Ońtústik Koreıadan kete almaı qaldy - VIDEO
ASTANA. QazAqparat - Qytaılyq otbasynyń belgili bir ýaqytqa deıin Ońtústik Koreıada qalýyna týra keldi. Sebebi balasy ákesiniń pasportyn tanymastaı etip shımaılap tastaǵan, dep habarlady Metro.co.uk.
Ońtústik Koreıaǵa barǵan kezde balasy ákesiniń pasportyn alyp, ony sýret salatyn albom retinde qoldanǵan. Ol ákesiniń sýreti bar betten bastap, adamdardyń, janýarlar men basqa da sýretterdi salypty.
Balanyń tym áýestenip ketkeni sonshalyq, ol sýrettiń ústine qara flomaster kómegimen azdaǵan shash qosqan.
Bul jerdegi basty másele - sýrettegi ákesiniń tanymastaı bolyp ózgerýi. Áýejaı qyzmetkerleri onyń Qytaıǵa atalǵan sýretpen qaıta almaıtynyn eskertip, elden ketýine tyıym saldy.
