Tólqujatty termınal arqyly qalaı alýǵa bolady

Qazaqstandyqtar bıometrııalyq sáıkestendirý arqyly halyqqa qyzmet kórsetý ortalyqtarynda qujattaý termınaldarynan pasport pen jeke kýálik ala alady. Bul týraly Ashyq NQA portalynda jarııalanǵan QR azamattaryna pasport, jeke kýálik berý jónindegi buıryq jobasynda aıtylǵan, dep habarlaıdy Kazinform. 

Kún saıyn HQO-ǵa qujattandyrý úshin búkil qyzmet alýshylardyń 10%-dan astamy júginedi.

Qyzmetkerler júktemesin azaıtý úshin HQO-larda da, odan tys jerlerde de qujattandyrý termınaldaryn ornatý josparlanýda, olardyń kómegimen azamattar qujattaýǵa baılanysty memlekettik qyzmetterdi alý ótinimderin ózdiginen rásimdeı alady.

«Jeke basyn kýálandyratyn qujat alý úshin avtomattandyrylǵan termınaldar arqyly ótinim berýde azamattar memlekettik qyzmet alýdyń búkil kezeńderinen ótedi (jeke basyn qashyqtan sáıkestendirý, sýretke túsirý, derekterdi mátin túrinde engizý)», – dep jazylǵan pılottyq jobany júrgizý týraly buıryqta.

Avtomattandyrylǵan termınal arqyly qujattandyrý protsesi myna kezeńderdi qamtıdy:

• • JSN engizý;
  • Mobıldi azamattar bazasynda tirkelgen uıaly telefon nómirin engizý;
  • Jeke basyn sáıkestendirý;
  • Sýretke túsirý;
  • Qoltańba úlgisin qaldyrý;
  • QR-kodty skanerleý arqyly memlekettik bajdy tóleý;
  • Qolhatty avtomatty túrde jazý jáne berý.

QR azamatynyń jeke basyn kýálandyratyn qujat alý sebepteriniń tizbesi birneshe kod arqyly kórsetiledi:

«04» kody – neke (nekeni buzý) boıynsha tegin ózgertý;
«07» kody – qujattyń odan ári paıdalanýǵa jaramsyzdyǵy (búliný, eskirý, tehnıkalyq aqaýlar, pasporttyń barlyq betterin paıdalaný, jeke basty kýálandyratyn qujatta JSN bolmaýy jáne t. b.);
«09» kody – jeke kýálikti joǵaltý;
«13» kody – Qazaqstan Respýblıkasy azamatynyń pasportyn joǵaltýy;

«14» kody – qoldanystaǵy ákimshilik-aýmaqtyq bólinisine baılanysty jergilikti jerlerdi qaıta ataý;
«16» kody – ıesiniń qalaýy boıynsha, qujattardyń túrin ózgertýge baılanysty (jeke kýálikti jáne (nemese) pasportty túrli-tústi fotosýretke, chıpke aýystyrǵan kezde);
«17» kody – jeke kýálik boıynsha pasportqa alǵash ret;
«18» kody – jeke kýáliktiń jáne (nemese) pasporttyń qoldanylý merziminiń aıaqtalýy (kúntizbelik 10 kúnnen aspaıdy).

Toǵyz saǵattyq úzdiksiz jumys kezinde bir termınaldyń ótkizý qabileti:

- klıentterge qyzmet kórsetýdiń ortasha ýaqyty – 5 mınýttan aspaıdy;
- kúnine bir termınal 108 klıentke qyzmet kórsetedi;
- aıyna bir termınal 2376 klıentke qyzmet kórsetedi;

Qujattaý termınaly memlekettik qyzmetterdi kórsetý sapasyn arttyrýǵa múmkindik beredi, dep esepteıdi mınıstrlik.