Tólqujatymyzdyń abyroı-bedeliniń kóterilýi elimizdiń yqpaly kúsheıe túskenin kórsetedi – Memleket basshysy

ASTANA. KAZINFORM - Kók pasportymyz ulttyq biregeıligimizdiń aıqyn nyshanyna aınaldy. Bul týraly Qazaqstan halqy Assambleıasynyń XXHІV sessııasynda Memleket basshysy Qasym-Jomart Toqaev aıtty.

- Kók pasportymyz ulttyq biregeıligimizdiń aıqyn nyshanyna aınaldy. Jyl ótken saıyn tólqujatymyzdyń abyroı-bedeli kóterilip keledi. Bul halyqaralyq qaýymdastyqtyń bizge degen qyzyǵýshylyǵy artyp, elimizdiń yqpaly kúsheıe túskenin kórsetedi. Ár qurlyqtaǵy túrli memlekettiń azamattary turaqty turý nemese demalý úshin bizdiń eldi jıi tańdaıtyn boldy, - dedi Qasym-Jomart Toqaev.

Memleket basshysynyń paıymynsha, bul – kezdeısoqtyq emes.

- Qazaqstan bedeldi halyqaralyq reıtıngterdegi qaýipsizdik ındeksi boıynsha aınalamyzdaǵy kóptegen memleketterdiń báriniń derlik aldynda tur. Al zań ústemdigi ındeksindegi «Tártip pen qaýipsizdik» kórsetkishi boıynsha, 142 eldiń ishinen 43 orynǵa taban tiredi. Munyń bári Qazaqstandy jaıly ári ómir súrýge qaýipsiz aýmaqqa aınaldyrýǵa baǵyttalǵan kúsh-jigerimizdiń nátıjesi. Qasterli Otanymyzdy kórkeıtý – barshaǵa ortaq paryz, - dedi Prezıdent.

Elordadaǵy Táýelsizdik saraıynda Memleket basshysy Qasym-Jomart Toqaevtyń qatysýymen Qazaqstan halqy Assambleıasynyń kezekti HHHІV sessııasy ótip jatyr.