Tólqujat pen jeke kýálik qansha turady
ASTANA. KAZINFORM — 2026 jyldyń birinshi jartyjyldyǵynda bul qujattardy 1,5 mln-nan astam azamat aldy
Tólqujat pen jeke kýálik qazaqstandyqtar arasynda suranysqa ıe qujattardyń biri bolyp qala beredi. 2026 jyldyń birinshi jartyjyldyǵynda bul qujattardy 1,5 mln-nan astam azamat aldy. Al maýsym aıynda 269 myńnan astam qujat rásimdeldi.
Tólqujatty tirkelgen jerine qaramastan kez kelgen HQKO-da rásimdeýge bolady. 36 betten turatyn tólqujattyń quny – 34 600 teńge, 48 bettik tólqujat – 51 900 teńge, al balalarǵa arnalǵan tólqujat – 17 300 teńge.
Jeke kýálik alǵash ret 16 jastan bastap beriledi. Qujatty alǵash ret alý jáne jaramdylyq merzimi aıaqtalǵannan keıin aýystyrý kezinde memlekettik baj alynbaıdy. Al jeke kýálik joǵalǵan jaǵdaıda memlekettik baj mólsheri – 865 teńge.
Tólqujat pen jeke kýálikti daıyndaý merzimi – 15 jumys kúnine deıin. Sondaı-aq eki qujatty da jedeldetilgen tártippen rásimdeý múmkindigi qarastyrylǵan.
Aıta ketelik bala shetelde tólqujatyn joǵaltsa ne isteý kerektigi týraly jazǵan edik.
