Tolyqqandy ulttyq avtomobıl jasaý klasterin qurý sharalary qabyldanady
ASTANA. KAZINFORM – Tolyqqandy ulttyq avtomobıl jasaý klasterin qurý sharalary qabyldanady. Bul týraly Úkimet otyrysynda Memleket basshysynyń Joldaýyn iske asyrý jónindegi jalpyulttyq is-sharalar josparynyń jobasyn tanystyrǵan Premer-Mınıstrdiń orynbasary – Ulttyq ekonomıka mınıstri Nurlan Baıbazarov aıtty.
«Ónerkásip salasynda otandyq shıkizat pen jınaqtaýyshtardy barynsha paıdalanýdy, júıe quraýshy kásiporyndardyń aınalasynda aralas óndiristerdi jandandyra otyryp, iri jobalar iske asyrylady. Tolyqqandy ulttyq avtomobıl jasaý klasterin qurý boıynsha sharalar qabyldanatyn bolady. Sondaı-aq Gaz salasyn damytý boıynsha keshendi jospar ózektilendiriledi», - dedi mınıstr.
Sonymen birge onyń sózine qaraǵanda, basqa monoqalalardyń ekonomıkasyn ártaraptandyrý úshin Saran qalasynyń ekonomıkalyq damý tájirıbesi aýqymdy qoldanylady.
«Alataý qalasyn ozyńqy damytý aıasynda ınvestıtsııalaý jáne jaıly turý úshin tartymdy jaǵdaılar jasalatyn bolady», - dedi Nurlan Baıbazarov.
