Tolyq emes otbasyndaǵy balalarǵa arnalǵan bilim berý kvotasy qaıta qaralady
ASTANA. KAZINFORM — QR Ǵylym jáne joǵary bilim mınıstrligi joǵary oqý oryndaryna oqýǵa túsý kezinde qabyldaý kvotasyna ózgerister engizý týraly buıryq jobasyn daıyndady.

Buıryq jobasynda halyq arasynda ıgerilýi men qajettiligin eskere otyryp, qabyldaý kvotalary qaıta qaraldy.
Bul rette, QR Úkimeti aıqyndaǵan óńirlerge qonys aýdarǵan aýyl jastary arasynan shyqqan Qazaqstan azamattary úshin qabyldaý kvotalaryn azaıtý josparlanǵan, ıaǵnı 5 paıyzdan 3 paıyzǵa deıin azaıady. Al keminde úsh jyl tolyq emes otbasy mártebesi bar otbasylardaǵy balalar úshin osy kvotany 1 paıyzdan 3 paıyzǵa ulǵaıtý eskerilgen.
Atalǵan qujat jobasy «Ashyq NQA» portalynda 14 sáýirge deıin qoǵamdyq talqylaýǵa usynylyp otyr.
Eske salsaq, byltyr kópbalaly otbasy balalary arnaıy kvotamen oqýǵa túse alatynyn jazǵan edik.