Tolǵanaı Qasymhan bokstan jasóspirimder arasyndaǵy álem chempıonatynda altyn medal jeńip aldy

Qazaqstandyq boksshy Tolǵanaı Qasymhan Erevanda (Armenııa) ótip jatqan bokstan jasóspirimder arasyndaǵy álem chempıonatynda fınaldyq kezdesýin ótkizdi. Kazinform bul týraly Sports.kz-ke silteme jasap habarlaıdy 

60 keli salmaqta óner kórsetetin Qasymhan fınalda reseılik Kıra Leonovamen kezdesti. Úshinshi raýndta tóreshi qazaqstandyqqa nokdaýn sanady. Osyǵan qaramastan sportshymyz 3:2 esebimen jeńiske jetti.

Osylaısha, Tolǵanaı Qasymhan jasóspirimder arasyndaǵy álem chempıonatynda Qazaqstanǵa ekinshi «altyndy» ákeldi. Buǵan deıin óz salmaǵynda Aıajan Sydyq (54 keli) týrnır chempıony atanǵan bolatyn.

Sondaı-aq búgin Qazaqstan quramasynan 66 keli salmaqtaǵy Aısulý Muhıt, erteń uldar arasynda Nurasyl Tólebek (54 keli) aqtyq synǵa shyǵady.