Tóleýtaı Raqymbekovtiń shtaby Túrkistan oblysynda poezııa keshin ótkizdi
Baıqaýǵa aýdan belsendileri, aqyndar, ánshiler - barlyǵy 148 adam qatysty. Kesh barysynda uıymdastyrýshylar «Aýyl» partııasy atynan saılaýǵa túsip otyrǵan úmitker Tóleýtaı Rahymbekovtiń saılaýaldy baǵdarlamasymen tanysty.
Qazylar alqasynyń sheshimimen birinshi oryndy Kentaý qalasynan Jupargúl Bekshoraeva, ekinshi oryndy Otyrar aýdanynan Joldas Sharhan, úshinshi oryndy Amantaı Qylyshbek aldy. «Aýylym - ádemi» óleńin úzdik oqyǵany úshin №17 mektep-gımnazııasynyń oqýshysy Daryn Keıkige «Qurmet dıplomy» tabystaldy.
Almaty oblysynda kontsert uıymdastyryldy. Sharaǵa jaqyn aýdan turǵyndary men «Aýyl» HDPP músheleri qatysty. Kontserttik baǵdarlama týǵan ólkege arnalǵan ánderge toly boldy. Aqyndar óz óleńderin oqydy. «Aýyl» partııasynyń óńirlik fılıalynyń tóraǵasy K.B.Bekıev pen Almaty oblysyndaǵy shtab jetekshisi K.E.Isaeva turǵyndardy aldaǵy 9 maýsymda ótetin saılaýǵa belsendi qatysýǵa shaqyrdy.
Aıta keteıik, 11 mamyrda Qazaqstanda prezıdenttikke kandıdattardyń saılaý aldyndaǵy úgit-nasıhaty bastaldy. QR Ortalyq saılaý komıssııasy Qazaqstan Prezıdenttigine úmitker 7 kandıdatty tirkedi.
27 mamyrda QR Prezıdenttigine úmitker Jambyl Ahmetbekovtiń senimdi ókilderi Taraz qalasynyń belsendi jastarymen jáne «Taraz q. Qazaqstan Kommýnıstik jastar odaǵynyń» ókilderimen kezdesti.
Prezıdenttikke úmitker Danııa Espaeva men saılaýaldy shtab jetekshisi Azat Perýashev Nur-Sultan qalasyndaǵy gýmanıtarlyq-zań kolledjinde jas saılaýshylarmen kezdesti. Oqytýshylar men stýdentter úmitkerdiń saılaýaldy baǵdarlamasymen tanysty.
Ámirjan Qosanov shtabynyń belsendileri tórt óńirde kezdesýler ótkizdi.
Sádibek Túgeldiń belsendileri óner jáne qolónerden master-klass uıymdastyrdy. Tóleýtaı Rahymbekovtyń qoǵamdyq shtaby 300-ge jýyq is-shara ótkizdi. 28 mamyrda Qasym-Jomart Toqaevtyń respýblıkalyq qoǵamdyq shtaby Túrkistan oblysynda boldy.
