Tóleýtaı Raqymbekovtiń senimdi ókilderi Pavlodarda jergilikti turǵyndarmen kezdesti

NUR-SULTAN. QazAqparat - Prezıdenttikke úmitker Tóleýtaı Raqymbekovtiń senimdi ókilderi Pavlodarda «Saǵyp» sharýa qojalyǵyna baryp, jergilikti turǵyndarmen kezdesti. Jıynda aýyl sharýashylyǵyn damytý, sharýa qojalyqtaryna qoldaý kórsetý, azyq-túlik qaýipsizdigi máseleleri talqylandy.

Tóleýtaı Raqymbekovtiń Respýblıkalyq qoǵamdyq shtabynyń tóraǵasy Álı Bektaev ulttyq taǵamdardy óndirýdiń ǵasyrlardan beri kele jatqan dástúri men qalyptasqan tehnologııasy baryn, ony jańa tehnologııalarmen ushtastyra bilý kerektigin aıtty.

«Saǵyp» sharýa qojalyǵy kúnine júzdegen lıtr qymyz óndirip, kórshi óńirlerdi daıyn ónimmen qamtamasyz etedi. Tipti, eksportqa shyǵarýdy da bir jolǵa qoıǵan. Endi óndiris áleýetin odan saıyn arttyrýdy kózdep otyr.


Eske sala keteıik, QR Prezıdentiniń saılaýy 9 maýsym kúni ótedi. Saılaýǵa 7 kandıdat tirkeldi.