Tóleýtaı Raqymbekov stýdent jastarmen kezdesip, baǵdarlamasyn tanystyrdy

NUR-SULTAN. QazAqparat - Prezıdenttikke kandıdat Tóleýtaı Raqymbekov elordadaǵy Qazaq agrotehnıkalyq ýnıversıtet ujymymen kezdesip, saılaýaldy baǵdarlamasyn tanystyrdy. Bul týraly «Aýyl» partııasynyń baspasóz qyzmeti málim etti.

Prezıdenttikke úmitker Tóleýtaı Raqymbekovtyń Qazaq agrotehnıkalyq ýnıversıtetine aıaq basýy beker emes. Óıtkeni, bul jerde tek aýyl sharýashylyǵy mamandaryn daıarlap qana qoımaı, salaǵa qajetti ozyq ǵylymı jobalar jasalady. Ásirese, ımmýndy hımııa, taǵam mıkrobıologııasy jáne topyraqty taldaý baǵyttarynda teńdessiz bastamalar bar. Biraq, ony óndiriske engizý ońaı bolmaı tur.

«Qazirgi aýyl sharýashylyǵynda agrarlyq ǵylymnyń orny erekshe. Tipti, sheshýshi róldi atqarady der edim. Biraq, ókinishke qaraı, ony sharýalar túsine bermeıdi. Aınalyp kelgende, bul jaǵdaı el ekonomıkasyna keri áser etýi múmkin», - deıdi S.Seıfýllın atyndaǵy QATÝ ǵylymı qyzmetkeri Vladımır Kııan.

Tóleýtaı Raqymbekov óz baǵdarlamasynda osyndaı jobalardy óndiriste keńinen qoldanýǵa erekshe basymdyq bergen. Buǵan qosa, ǵylymı jumystardy kommertsıalızatsııalaýdy kúsheıtý kerek deıdi.

Tóleýtaı Raqymbekovtyń baǵdarlamasy tek aýyl sharýashylyǵymen ǵana baılanysty emes. Ol jerde jumyssyzdyqpen kúres, baspana máselesi jáne ınfraqurylymdy damytýǵa qatysty da tetikter bar. Onyń barlyǵy ýnıversıtet qabyrǵasynda ótken jıynda jan-jaqty talqylandy.