Tóleýtaı Raqymbekov saılaý ýchaskesine bardy

NUR-SULTAN. QazAqparat - Búgin «Aýyl» partııasynan prezıdenttikke úmitker Tóleýtaı Raqymbekov daýys berý rásimine qatysty, dep habarlaıdy QazAqparat tilshisi.

T. Raqymbekov elordadaǵy Ulttyq mýzeıde ornalasqan № 52 saılaý ýchaskesine kelip, daýys berdi.

Búgin Qazaqstan Prezıdentin kezekten tys saılaý bastaldy.

QR Prezıdentiniń kezekten tys saılaýynda el ishinde jáne shet elderde 9 968 daýys berý ýchaskesi jumys isteýde. Saılaý týraly Konstıtýtsııalyq zańǵa sáıkes, daýys berý ýaqyty standartty (saǵat 7:00-20:00 aralyǵy) bolady. Batys Qazaqstan, Aqtóbe, Atyraý, Mańǵystaý, Qyzylorda oblystarynda ýaqyt aıyrmashylyǵyna baılanysty saılaý ýchaskeleri jergilikti ýaqyt boıynsha saǵat 07:00-de - Nur-Sultan ýaqyty boıynsha saǵat 08:00-de ashyldy.