Tóleýtaı Raqymbekov otandyq agrarlyq ǵylymnyń basty problemalaryn atady
Otyrysta otandyq agrarlyq ǵylym jaıly Ulttyq agrarlyq ǵylymı bilim berý ortalyǵynyń basqarma tóraǵasy Tóleýtaı Raqymbekov baıandama jasady. Onyń aıtýynsha, ortalyq agrarlyq ǵylymǵa taldaý jasaı otyryp, ózge elderdiń tájirıbesin zerttep, negizgi máselelerdi aıqyndap kelgen.
«Álemdegi agrarlyq derjavalar sanatyndaǵy elderdiń aýyl sharýashylyǵyndaǵy ınnovatsııalyq júıeniń uıymdastyrýshylyq sıpaty birdeı ári ol úsh bloktan turady. Alǵashqy blok – ǵylymı bilim berý mekemeleri, ıaǵnı ǴZI men ýnıversıtetter. Ondaı oqý-zertteý oryndary bizde de bar. Ekinshisi – bilimdi taratý júıesi (ekstenshn). Bul turǵyda biz bilim berý ortalyqtaryn qurý jumysyn 2008 jyly bastadyq. Úshinshi blok – ınnovatsııalardy qoldaý servısteri. Olardyń qataryna kommertsııalandyrý keńseleri, transfertter men venchýrlyq qorlar jatady. Bul turǵyda biz jeńilip turmyz», - deıdi Tóleýtaı Raqymbekov.
Ortalyq basshysynyń aıtýynsha, máselen Argentına aýyl sharýashylyǵy mınıstrliginiń Ulttyq agrarlyq tehnologııalyq ınstıtýty men Qazaqstannyń Ulttyq agrarlyq ǵylymı bilim berý ortalyǵyn salystyrýǵa múlde kelmeıdi. Argentınadaǵy atalmysh ınstıtýttyń quramynda 4 ǴZI, 47 tájirıbeli stantsııa men 320 bilim taratý ortalyǵy bar.
«Osydan baryp, bizdegi agrarlyq ǵylymnyń basty máselesi – bilim berý, transfert pen kommertsııalyq tehnologııalardy usyný boıynsha uıymdastyrý jumysynyń álsizdigi ekenin ańǵaramyz. Sondaı-aq ǵylymdy qarjylandyrýda aıtarlyqtaı dısproportsııa bar: bizde ǵylymı zertteý jumystaryna qarajattyń 90 paıyzy, al tájirıbe men konstrýktorlyq jumysqa tıisinshe 10 paıyzy jumsalsa, transfert pen kommertsııalandyrýǵa múlde aqsha bólinbeıdi. Álemdik tájirıbege súıensek, bul rette qarajat bárine birdeı – 30-35 paıyz mólsherinde aýdarylady», - deıdi ol.
Tóleýtaı Raqymbekov sonymen qatar ǵalymdardyń ınstıtýt basshylaryna táýeldiligi de ózekti másele týyndatatynyn aıtyp ótti. Instıtýttardyń basshylyǵy men tájirıbeli sharýashylyqtardyń ǵylymı jáne kommertsııalyq saladaǵy mamandarmen kelispeýshiligi de isti ilgeri bastyrmaı turǵan kórinedi.
