Tóleýbaı Shektibaev: Soǵysqa attanǵanda bárimiz 18 jasta ǵana boldyq
TALDYQORǴAN. QazAqparat - Jetisý oblysynyń ortalyǵy Taldyqorǵanda kózi tiri úsh ardager bolsa, solardyń biri - Tóleýbaı Shektibaev. Qart maıdanger qan maıdanǵa attanǵanda qatarlastarynyń barlyǵy 18 jastaǵy bozbala bolǵanyn eske aldy, dep habarlaıdy QazAqparat tilshisi.
«Soǵysqa attanǵanda barlyǵymyz jas balamyz. 18 jastaǵy qatarlastarymyzben jaýdan jerimizdi qorǵadyq. Halqyma soǵysty kórsetpesin. Halqymnyń amandyǵyn, elimniń tynyshtyǵyn tileımin», - dep aq batasyn soǵys ardageri Tóleýbaı Shektibaev.
Tóleýbaı Shektibaev maıdan dalasyna 18 jasynda attanǵan. Jas sarbaz 1943-1944 jyldary Amýr mańyndaǵy Qıyr Shyǵys shekarasyn qorǵaǵan. Majarstandaǵy Balaton ózenine deıin nemis basqynshylarynan azat etý urysyna qatysqan.
Al 1945 jyly 83-shi atqyshtar dıvızııasynyń quramynda japon áskerine qarsy soqqy berip, Harbın qalasyn azat etýshiler qatarynda boldy. І dárejeli Otan soǵysy ordenimen, «Erligi úshin» medalimen nagradtaldy. 98 jastaǵy ardager 4 bala ósirip, olardan nemere-shóbere súıip otyr.
Eske salsaq, Jetisý oblysynda turatyn Uly Otan soǵysynyń qatysýshylary men tyl eńbekkerleriniń jalyp sany – 2309, sonyń segizi – maıdanger. Olardyń bárine Jeńis kúnine oraı jalpy somasy 156,7 mln teńge bolatyn materıaldyq kómek berildi.
