Tóleshovtiń ótpeı turǵan kólikteri saýdaǵa 5 qyrkúıekte shyǵarylady
ShYMKENT. QazAqparat - Toqtar Tóleshovtiń tárkilengen kólikteri 5 qyrkúıekte elektrondyq saýdaǵa shyǵarylatyn boldy, dep habarlaıdy QazAqparat HAA tilshisi.
Árbir kóliktiń baǵasy endi eki esege deıin tómendetiledi. Bul týraly Ońtústik Qazaqstan memlekettik múlik jáne jekeshelendirý departamentiniń bas mamany Raýshan Arymbaeva málimdedi.
Aıta keteıik, buǵan deıin jalpy quny 73 496 000 teńgeni quraıtyn bes kólikti eshkim satyp alýǵa nıet bildirmegen bolatyn. Sondyqtan satylymǵa qoıylǵan Rolls-Royce, Bentley, Mitsubishi GT, GMC jáne Chevrolet Suburban markaly avtokólikteri endi 50 paıyz tómen baǵamen saýdaǵa qoıylatyn dep josparlanyp otyr. Ońtústik Qazaqstan memlekettik múlik jáne jekeshelendirý departamenti mamandarynan quralǵan arnaıy komıssııa osyndaı sheshim qabyldaǵan. Ári elektrondyq saýda baǵasyn tómendetý ádisi boıynsha ótkizilmekshi.
Eske salaıyq, gosreestr.kz saıtyna satýǵa qoıylǵan Tóleshovtiń 5 kóligi bar. Máselen, 1992 jylǵy Mitsubishi GT kóliginiń bastapqy baǵasy 1 mln 083 myń teńge bolsa, aýktsıonǵa qatysý úshin bastapqy kepil jarnasy - 162 450 teńgeni quraǵan. Al Bentley kóliginiń bastapqy baǵasy 13 703 000 teńge, saýdaǵa qatysqysy keletin adam aldymen 2 055 450 teńge tóleýi tıis edi. Rolls-Royce kóliginiń baǵasy 40 150 000 teńgeden bastaldy. Bastapqy kepil jarnasy 6 022 500 teńgeni quraǵan. Jol talǵamaıtyn GMC kóliginiń alǵashqy baǵasy 6 527 000 teńge bolsa, elektrondyq saýdaǵa qatysý úshin - 979 050 teńge tóleý qajet bolatyn. 
