Tóleshovtiń mıllıonǵa baǵalanǵan jylqylary ıppodromǵa berildi
ShYMKENT. QazAqparat - Shymkentte burynǵy syra koroli, qazirgi túrmede jazasyn ótep jatqan Toqtar Tóleshovten tárkilengen 24 jylqy Ońtústik Qazaqstan oblystyq ulttyq sport túrleri boıynsha mamandandyrylǵan balalar-jasóspirimder sport mektebine berildi, dep habarlaıdy QazAqparat tilshisi.
Ippodrom dırektory Ǵanı Ahmetbaevtyń aıtýynsha, sáıgúlikterdiń tórteýi asyltuqymdy sanalady. Olardy sporttyń konkýr túrine beıimdep, túrli jarystarǵa qosý josparlanyp otyr.
«Biz aldymen baıqap kórip, jattyǵýlar júrgizetin bolamyz. Keıin balalar olardy minip, úırenetin bolady. Máselen, Elastık esimdi aǵylshyn-trakenen tuqymdy tulparǵa zor úmit artyp otyrmyz. Bul jylqy Azııa birinshiliginde jeńiske jetken, Qazaqstannyń birneshe dúrkin chempıony ataǵyna ıe bolǵan.
Mamandardyń baǵalaýynsha, sáıgúlikterdiń baǵasy 600 myńnan 2,4 mıllıon teńgege deıin.
