Tóleshovtiń Bentley Continental GT kóligi satylyp ketti
ShYMKENT. QazAqparat - Ońtústik Qazaqstan oblysynda elektrondyq aýktsıonǵa shyǵarylǵan Toqtar Tóleshovtiń kólikteri satyldy. Oblystyq memlekettik múlik jáne jekeshelendirý departamenti mamandarynyń sózine qaraǵanda, azamattar «Syra koroliniń» tárkilengen úsh kóligin tómendetilgen baǵamen satyp alǵan, dep habarlaıdy «QazAqparat» HAA tilshisi.
gosreestr.kz saıtyna 50 paıyz jeńildikpen satýǵa qoıylǵan Tóleshovtiń kólikterdiń qatarynda 1992 jylǵy Mitsubishi GT bastapqy qoıylǵan baǵasy 1 mln 083 myń teńge saýdalandy. Jol talǵamaıtyn GMC Yukon XL Denali kóliginiń alǵashqy baǵasy 6 527 000 teńgege jáne Bentley Continental GT kóligi (bastapqy baǵasy 13 703 000 teńge bolsa) 7 034 326, 57 teńgege ótti.
Al eń qymbat degen Rolls-Royce Phantom kóligi 40 mln teńge tursa, ol 20 mln teńgege saýdaǵa shyǵarylǵan bolatyn. Alaıda ony alýǵa bir ǵana adam nıet bildiripti. Sol sebepti qymbat kólik búgin saýdalanbady. Oǵan qosa 6 016 500 teńgege satylymǵa Chevrolet Suburban kóligine de alýshy tabylmady.
Buǵan qosa Tóleshovtiń taǵy tórt kóligi (Chevrolet Suburban, Toyota Camry 2005 j. jáne Toyota Camry 2002 j., Nissan Primera) alýshy bolmaǵan soń satylmaı tur.
