Toleranttylyq ıdeıalaryna, qazaqstandyq otansúıgishtikti nyǵaıtýǵa arnalǵan «Qazaqstan - dostyq besigi» atty fotokonkýrs jarııalandy

ASTANA. 17 shilde. QazAqparat - Qazaqstan Respýblıkasynyń Mádenıet jáne aqparat mınıstrligi «Qazaqstan - dostyq besigi» atty fotokonkýrs jarııalady.

2013 jylǵy 28 tamyz - 8 qyrkúıek aralyǵynda ótetin is-sharanyń maqsaty - qazaqstandyq otansúıgishtikti, toleranttyq ıdeıalaryn nyǵaıtý, ulysaralyq jáne konfessııaaralyq kelisimdi damytý, daryndy tanymal sheberlermen qatar jas fotosýretshilerdi yntalandyrý bolmaq.

Toleranttylyq ıdeıalaryna, qazaqstandyq otansúıgishtikti nyǵaıtýǵa arnalǵan «Qazaqstan - dostyq besigi» atty fotokonkýrsty ótkizý qaǵıdasy

Іs-shara ataýy: Toleranttylyq ıdeıalaryna, qazaqstandyq otansúıgishtikti nyǵaıtýǵa arnalǵan «Qazaqstan - dostyq besigi» atty fotokonkýrs (budan ári - is-shara).

Uıymdastyrýshy: Qazaqstan Respýblıkasy Mádenıet jáne aqparat mınıstrliginiń Mádenıet komıteti.

Ótkizý ýaqyty: 2013 jylǵy 28 tamyz-8 qyrkúıek aralyǵy.

Ótkizý orny: Astana qalasyndaǵy Qazaqstan Respýblıkasynyń Ulttyq akademııalyq kitaphanasy.

Іs-sharanyń maqsattary:

• etnıkaarlyq jáne konfessııaaralyq kelisimdi damytý jáne nyǵaıtý;

• toleranttylyq pen qazaqstandyq patrıotızmdi kúsheıtý ıdeıalaryn dáripteý;

• daryndy tanymal sheberlermen qatar jas fotosýretshilerdi yntalandyrý.

Іs-sharanyń mindetteri:

- etnıkaaralyq jáne konfessııaaralyq qatynastardyń úılesimi;

- Ulttyq birlik doktrınasy prıntsıpterin júzege asyrý;

- mádenıetaralyq dıalogty damytý jáne Qazaqstandaǵy mádenı alýantúrlilikti saqtaý;

- daryndy fotosýretshilerdi qoldaý, qazirgi zamanǵy sýret ónerindegi jańa esimderdi anyqtaý;

- fotosýretshilerdiń kásibı ósýine jaǵdaı jasaý.

Іs-sharany ótkizý tártibi men sharttary

1. Іs-sharaǵa Qazaqstan fotosýretshileriniń sońǵy 3 jylda oryndaǵan jumystary qabyldanady.

2. Árbir fotosýretshi joǵary kásibı deńgeıde oryndalǵan, is-sharanyń taqyryptyq baǵytyna sáıkes keletin 5-ten kem emes jáne 10-nan aspaıtyn fotojumystardy usynýy tıis.

3. Іs-sharany ótkizý kezeńderi:

І kezeń - fotojumystardy qabyldaý (2013 jyldyń 16 shildesi men 10 tamyzy aralyǵy);

ІІ kezeń - fotojumystardy irikteý (2013 jyldyń 10-20 tamyzy aralyǵy);

ІІІ kezeń - jeńimpazdardy marapattaý (2013 jyldyń 28 tamyzy) jáne fotojumystardyń kórmesi (2013 jyldyń 28 tamyzy men 8 qyrkúıegi aralyǵy).

4. Іs-sharaǵa daıyndyq júrgizý jáne ony ótkizýdi Uıymdastyrý komıteti júzege asyrady.

5. Іs-sharaǵa qatysý úshin fotosýretshiler ústimizdegi jyldyń 10 tamyzyna deıin uıymdastyrýshylarǵa tómendegi materıaldardy joldaýy tıis:

1) osy Qaǵıdanyń qosymshasyna sáıkes toltyrylǵan ótinim;

2) qaǵaz jáne elektrondy túrdegi fotojumystar (ataýy mindetti túrde);

3) kórmege qoıylǵan sýretterdiń fotoalbomyn jasaý úshin fotojumystardyń qazaq jáne orys tilderindegi qysqasha anyqtamasy;

4) qaǵaz jáne elektrondy túrdegi qatysýshynyń qysqasha ómirbaıany men sýreti.

6. Uıymdastyrýshylar is-sharaǵa usynylǵan jumystardy irikteýge quqyly. Konkýrsqa usynylǵan materıaldar qaıtarylmaıdy.

7. Qazylar alqasy jáne sarapshylar komıssııasy fotosýretshilerdiń úzdik jumystaryn irikteýdi júzege asyryp, jeńimpazdar men dıplomanttardy anyqtaıdy. Qazylar alqasy men sarapshylar komıssııasynyń usynysymen úzdik dep tanylǵan jumystar «І oryn», «ІІ oryn», «ІІІ oryn» úshin beriletin dıplomdar jáne baǵaly syılyqtarmen marapattalady, sondaı-aq, yntalandyrý úshin «Dıplomant» syılyǵy belgilenedi.

8. Qoǵamdyq jáne basqa da uıymdar, demeýshiler Uıymdastyrý komıtetiniń kelisimimen óz júldeleri men syıaqylaryn belgileýine bolady.

9. Júlde qory bekitilgen shyǵystar smetasyna sáıkes bólinedi. Júldelerdi berý týraly sheshim ashyq daýys berý negizinde iske asyrylyp, qazylar alqasy músheleriniń qoldary qoıylǵan hattamamen bekitiledi.

10. Qazylar alqasynyń sheshimi is-shara jeńimpazdaryn marapattaý rásiminde jarııalanady jáne qaıta qaralmaıdy.

11. Іs-shara aıasynda irikteý qorytyndysy boıynsha fotokórme uıymdastyrylyp, kórmeniń fotoalbomy jasalady.

12. Ótinim men oǵan tirkeletin materıaldardy myna meken-jaıǵa jiberý qajet:

010000, Astana qalasy, Orynbor kóshesi 8 úı, «Mınıstrlikter úıi», 15 kireberis, Qazaqstan Respýblıkasy Mádenıet jáne aqparat mınıstrliginiń Mádenıet komıteti, tel. [phone], 74-04-57, faks 74-04-34, e-mail: [e-mail], [e-mail].

Toleranttylyq ıdeıalaryna, qazaqstandyq otansúıgishtikti
nyǵaıtýǵa arnalǵan «Qazaqstan - dostyq besigi» atty
fotokonkýrsyn ótkizý týraly Qaǵıdaǵa qosymsha

Іs-sharaǵa qatysýǵa ótinim

Tómende keltirilgen málimetteri bar qatysýshynyń qoly qoıylǵan ótinim uıymdastyrýshylardyń meken-jaıyna joldanýy qajet:

1. T.A.Á.

2. Týylǵan merzimi jáne týylǵan jeri.

3. Qatysýshynyń meken-jaıy (zańdy jáne poshtalyq).

3. Baılanysatyn tulǵanyń telefony, faksy, elektrondy poshtasy.

4. Fotojumystyń ataýy.

5. Fotojumystyń qysqasha sıpattamasy.

6. Jeke basyn kýálandyratyn qujattyń kóshirmesi (JIN mindetti túrde kórsetilýi tıis).