Tólengen QQS somasyn qaıtaryp alý týraly aqparat jalǵan - Komıtet
«Qazaqstan Respýblıkasy Qarjy mınıstrliginiń Memlekettik kirister komıteti mundaı tólemder týraly aqparatty resmı túrde joqqa shyǵardy.
Áleýmettik jelilerde jáne beıne portaldarda «18 jastan asqan árbir azamat tólemdi alýǵa quqyly» dep atalatyn beınefılm taralýda.
Atap aıtqanda, beınede birneshe jyl ishinde tólengen QQS somalaryn qalaı qalpyna keltirý týraly aıtylady. Alaıaqtar azamattardy aqshany qaıtarý úshin jalǵan veb-saıtqa baǵyttaıdy. ıAǵnı kórermender tólenbegen qarajatty qaıtarý boıynsha biryńǵaı ótemaqy ortalyǵy veb saıtyna kirýi kerek. Jalǵan qaıtarý týraly nusqaýlyq kezinde avtor kórermennen óziniń derekterin, banktik kartanyń nómirin, sondaı-aq sizdiń qarajatyńyzǵa ıelik ete alatyn CVV / CVC kodyn kórsetýin suraıdy. Beınejazbada nemese jalǵan saıttyń ózinde oń pikirler bolýy múmkin, bul jazbalar da shyndyqqa janaspaıdy», delingen habarlamada.
Esterińizge sala keteıik, osy jyldyń basynda Qazaqstanda jańa jyl qarsańynda alaıaqtar qurǵan jáne YouTube-te taraǵan fıshıng ınternet resýrs anyqtalǵan bolatyn.
Sodan keıin, KZ-CERT servısiniń taldaýy nátıjesinde «Internet segmentindegi fıshıng / alaıaqtyq» dep jiktelgen aqparattyq qaýipsizdik oqıǵasy anyqtaldy, munda paıdalanýshylardyń jeke derekteri men bank kartasy týraly málimetter jınaldy.
«Vıdeo avtory jańa zań jobasyna sáıkes QQS qaıtarý úrdisi barlyq satyp alýlar boıynsha júzege asyrylatynyn habarlady. Osy maqsattar úshin «Tólenbegen qarajatty qaıtarý úshin» Biryńǵaı ótemaqy ortalyǵy»» quryldy, delingen alaıaqtardyń taratqan habarlamasynda.
Biz barlyq qazaqstandyqtardy qyraǵy bolýǵa jáne jalǵan aqparat kózderinen shyqqan kúmándi aqparatqa senbeýge shaqyramyz», delingen habarlamada.
