«Tólenbegen nesıeler úshin aıyppul eseptelip jatyr» - feık

NUR-SULTAN. QazAqparat – «Sberbank» tóleý merzimi ótip ketken nesıeler úshin ósimaqy eseptep jatyr. Instagram-daǵy pablıkterdiń birinde osyndaı aqparat ornalastyrylǵan. Stopfake.kz saıtynyń jazýynsha, bul málimet – jalǵan, dep habarlaıdy QazAqparat.

«Sálemetsizder me! Búgin Sberbank bólimshesinde boldym. Onda nesıem bar. Aıtpaǵym, olar nesıe tólemegenderdiń barlyǵyna ósimpul jazyp jatyr. Qazaqstandyq bankter tótenshe jaǵdaı rejımi kezinde nesıeniń ýaqytyn ótkizip alǵany úshin aıyppul salýdy toqtatqan edi ǵoı. Nazarda bolsyn! Paıdalanýshydan», - delingen Instagram-pablıkke shyqqan jazbada.

«Sberbanktiń» habarlaýynsha, bul – jalǵan aqparat. Banktiń klıentterdi qoldaý qyzmetiniń málimetinshe, qazirgi kezde ýaqytyly ótelmegen nesıeler úshin ósimaqy eseptelmeıdi.

«Qańtar aıynyń sońyna deıin nesıe boıynsha ósimaqylar men aıyppuldar eseptelmeıd»i, – dedi «Sberbankten».