Tólenbegen nesıe úlesi kóp bankter ataldy

ALMATY. QazAqparat - Qazaqstanda 90 kúnnen astam ýaqyt tólenbegen nesıe úlesi kóp ekinshi deńgeıli bankter ataldy. Bul týraly birinshi nesıe bıýrosy ótkizgen baspasóz máslıhaty barysynda málim boldy, dep habarlaıdy QazAqparat tilshisi.

2016 jyly mundaı nesıelerdiń úlesi jyldyń sońynda 15,7% bolsa, jyl basynda 17% bolǵan.

«2017 jyly nashar nesıeler úlesi birqalypqa keldi. Biraq orta esepten joǵary turǵan bankter de bar. Nashar nesıe portfeliniń keltiretin zalaly týraly jyldyń ekinshi toqsanynda aıtýǵa bolady», - dedi Birinshi nesıe bıýrosynyń bas dırektory Rýslan Omarov.

Onyń aıtýynsha, tólenbegen merzimi 90 kúnnen asyp ketken nesıeler sany kóbeıip kele jatyr.

«Mundaı nesıe kóleminiń úlesi ótken jylǵymen salystyrǵanda 6,8 %-ǵa artyp otyr», - dedi Rýslan Omarov.