Tólen Ábdik: Qoǵamnyń mańyzdy bóligi retinde BAQ-qa demokratııa qajet

NUR-SULTAN. QazAqparat - Otandyq BAQ salasyn damytý máselelerine arnalǵan dóńgelek ústel jıynynda Memlekettik syılyqtyń laýreaty, jazýshy Tólen Ábdik jýrnalıstıkaǵa erkindik qajet ekenin aıtty.

« Jýrnalıstıkada erkindik kerek. Qalam ustaǵan qaýymǵa odan basqa eshteńeniń keregi de joq. Prezıdent demokratııany damytýǵa basa mán berip jatyr ǵoı. Qoǵamnyń mańyzdy bóligi retinde BAQ-qa da demokratııa qajet. Tomas Mannyń «Teatr halyqty ultqa aınaldyrady» degen sózi bar. Muny jýrnalıstıkaǵa qatysty da osylaı aıtýǵa bolady. BAQ – qoǵamdy ózgerte alatyn qural. Al onyń erkindigi bolmasa, qoǵamdy ózgertpek túgili qara basyn alyp júrýi qıyn bolýy múmkin», – dedi T.Ábdik.