Tólem termınaldary arqyly temir jol júrý bıletteri satyla bastady
Endi, astanalyqtar san alýan qyzmetter tólenetin tólem termınaldary arqyly qolma-qol aqshaǵa temir jol júrý bıletin ala alady.
Ázirshe ondaı termınaldar Astana men Almaty qalalarynyń temir jol vokzaldarynda iske qosylyp otyr. Oǵan qolma-qol aqshany engizý arqyly jolaýshylar arnaıy token, ıaǵnı tólem túbirtegin alady. Onymen kez kelgen kassaǵa baryp, jol búrý bıletin kezeksiz alýǵa bolady. «Al «Tulpar» poıyzyna túbirtek alǵan azamattar bıletti almaı-aq birden mine alady. Sebebi onda avtomattandyrylǵan júıe bar. Sondyqtan jolaýshylar jeke kýáligi men tólem túbirtegin kórsetse de bolady», - deıdi «Jolaýshylar tasymaly» AQ Strategııalyq damý jónindegi atqarýshy dırektory Asylhan Qaldykózóv. Budan basqa, tólem termınaldarynan poıyzdyń júrý kestesi men bos oryndar týraly tolyq aqparatty alýǵa bolady.
«Jolaýshylar tasymaly» AQ-nyń josparyna sáıkes, osy aıdyń ishinde respýblıka boıynsha temir jol júrý bıletterin satyp alýǵa múmkindik beretin 1 myń termınal ashylady. Jyldyń sońyna deıin ondaı qondyrǵylardyń sanyn 3 myńǵa deıin jetkizý kózdelgen.
