Erlan Qarın «Ulttyq qor — balalarǵa» jobasy jaıly: Tólem kólemi ulǵaıatyn bolady
ASTANA. KAZINFORM — QR Memlekettik keńesshisi Erlan Qarın aldaǵy ýaqytta «Ulttyq qor — balalarǵa» jobasy aıasynda jasalatyn tólem kólemi ulǵaıatynyn jazdy.
«Memleket basshysynyń bastamalary birtindep oryndalyp jatyr. Qasym-Jomart Toqaevtyń saılaý aldyndaǵy baǵdarlamasynda aıtylǵan negizgi bastamanyń biri — «Ulttyq qor — balalarǵa» jobasy is júzinde júzege asyrylyp, balalarymyzdyń esep-shotyna Ulttyq qordan tólemder túse bastady. Qarajattyń tólený tásilderi týraly Úkimet pen Biryńǵaı jınaqtaýshy zeınetaqy qorynyń ókilderi egjeı-tegjeı túsindirdi. Aldaǵy ýaqytta bólinetin tólem Ulttyq qor aktıvteriniń eselenýine jáne qosymsha ınvestıtsııalyq tabystyń artýyna baılanysty ulǵaıatyn bolady», — dep jazdy Erlan Qarın Telegram arnasynda.
Sondaı-aq, Memlekettik keńesshi Májilis keshe áıelderdiń quqyqtaryn jáne balalardyń qaýipsizdigin qamtamasyz etý máseleleri jónindegi zań jobasyn jumysqa qabyldaǵanyn málimdedi. Bul qujatty depýtattar turmystyq zorlyq-zombylyq jáne pedofılııa úshin jaýapkershilikti kúsheıtý týraly Memleket basshysynyń bastamasyna sáıkes ázirlegen bolatyn.
