Tólem balansynyń aǵymdaǵy shoty 6,5 mlrd dollar tapshylyqpen qalyptasty
NUR-SULTAN. QazAqparat - Tólem balansynyń aǵymdaǵy shoty 6,5 mlrd dollar tapshylyqpen qalyptasty. Bul týraly búgin Úkimet otyrysynda QR Ulttyq bank tóraǵasy Erbolat Dosaev aıtty, dep habarlaıdy QazAqparat tilshisi.
«Tólem balansynyń aǵymdaǵy shoty 2019 jyly tapshylyqpen qalyptasty jáne mınýs 6,5 mlrd AQSh dollaryn qurady. Tapshylyqtyń ulǵaıýy azyq-túlikke jatpaıtyn jáne ınvestıtsııalyq taýarlardy ákelýdiń ulǵaıýy saldarynan ımporttyń 4,5 mlrd AQSh dollaryna ósýine jáne munaıdyń barynsha tómen baǵasyna baılanysty taýarlar eksportynyń 2 mlrd AQSh dollaryna azaıýyna negizdelgen»,- dedi ol.
Onyń atap ótýinshe, Qazaqstannyń áriptes elderindegi áleýetti ekonomıkalyq retsessııa qazaqstandyq eksportqa suranystyń tómendeý jáne tıisinshe osy jyly tólem balansynyń aǵymdaǵy shotynyń nasharlaý táýekelin arttyrady.
