Tólegen Tóleshovtiń advokaty: «Ol memleketke eshqandaı aıyppul tólemeıdi»
ASTANA. QazAqparat - Astana qalalyq qylmystyq ister jónindegi mamandandyrylǵan aýdanaralyq soty búgin 21 jylǵa bas bostandyǵynan aıyrylǵan Toqtar Tóleshovtiń uly Tólegen Tóleshovti sot zalynan bosatty.
Tólengen Tóleshovti əýel basta bes jylǵa bas bostandyǵynan aıyrý týraly úkimdi oqyǵan sýdıa Erbol Ahmetjanov: "QR Qylmystyq kodeksiniń 63-babyna səıkes, onyń jazasy shartty merzimge aýystyrylsyn. Tólegen Tóleshovke qatymty bes jyl probatsııalyq baqylaý taǵaıyndalsyn", - dedi sońǵy úkimdi oqı otyryp.
Sýdıanyń sheshimine səıkes, Tólegen Tóleshov ýákiletti memlekettik organdardy eskertpesten, turǵylyqty jerin jəne jumysyn aýystyra almaıdy.
"Tólegen Tóleshov úkim zańdy kúshine engen soń 10 kúnnen keıin turǵylyqty mekenjaıyndaǵy probatsııa qyzmetine kelip, tizimge turýǵa mindetteledi. Úkim zańdy kúshine engenge deıin Tólegen Tóleshovke qatysty oryndalǵan qamaý jazasy eshqaıda ketpeý týraly qolhatqa aýystyrylsyn. Tólegen Tóleshov sot zalynan bosatylsyn", - dedi E.Ahmetjanov.
Toqtar Tóleshovtiń uly Qylmystyq kodekstiń 296-baby, 2-tarmaǵy; 187-baby 4-tarmaǵy, 407-baby 3-tarmaǵy boıynsha aıyptalǵan.
Sot aıaqtalǵan soń, Tólegen Tóleshovtiń qorǵaýshysyna jýrnalıster suraq qoıýǵa tyrysqanymen, advokat kommentarııden bas tartty.
"Ony sot zalynan bosatty. Toqtar Tóleshov týraly onyń ózinen surańyzdar. Men onyń uly Tólegenniń qorǵaýshysymyn. Tólegen Toqtarulyn sot zalynan bosatty. Eshqandaı aıyppulsyz. Shartty túrde bas bostandyǵynan aıyrdy. Tergeý organdaryna qajet bolǵan soń, onyń aty bul iste júr",-deıdi kishi Tóleshovtiń advokaty Igor Speredınov.
