Tólegen Sársembaev QR Densaýlyq saqtaý mınıstrliginiń apparat basshysy qyzmetine taǵaıyndaldy

ASTANA. KAZINFORM - Qazaqstan Respýblıkasy Densaýlyq saqtaý mınıstriniń buıryǵymen vedomstvo apparatynyń basshysy bolyp Tólegen Qapsalyquly Sársembaev taǵaıyndaldy, dep habarlaıdy QR Densaýlyq saqtaý mınıstrliginiń baspasz qyzmeti.

Ol 1968 jyly Túmen oblysynda dúnıege kelgen. 1991 jyly Almaty halyq sharýashylyǵy ınstıtýtyn bitirip, keıin quqyqtaný mamandyǵy boıynsha Q.A. ıAssaýı atyndaǵy Memlekettik halyqaralyq Qazaq-Túrik ýnıversıtetiniń dıplomyn aldy.

Eńbek jolyn Almaty zooveterınarlyq ınstıtýtynyń býhgalteri, «Aqsaı» oqý-tájirıbelik sharýashylyǵynyń josparlaý-ekonomıkalyq bóliminiń bastyǵy bolyp bastady, 20 jyldan astam memlekettik kirister organdarynyń oblystyq departamentterinde jumys istedi jáne basqardy.

Ońtústik Qazaqstan jáne Túrkistan oblystary ákiminiń orynbasary, Almaty oblysy ákimi apparatynyń basshysy qyzmetterin atqardy.

2023 jylǵy shildeden bastap - Qazaqstan Respýblıkasy Qarjy mınıstriniń keńesshisi boldy.

Tólegen Sársembaev salyq jáne qarjy qyzmetiniń úzdigi, birqatar memlekettik nagradamen jáne qurmetti ataqtarmen, sonyń ishinde «Qurmet» ordenimen, «Qazaqstan Respýblıkasynyń Táýelsizdigine 20 jyl», «Qazaqstan Konstıtýtsııasyna 20 jyl», «Qazaqstan Respýblıkasynyń Táýelsizdigine 25 jyl» mereıtoılyq medaldarymen marapattalǵan.