Tólegen Muhamedjanov: Halyqqa jaqyn Joldaý boldy

ASTANA. QazAqparat - Qoǵam qaıratkeri, kompozıtor Tólegen Muhamedjanov Elbasy Joldaýy týraly óz pikirin aıtty, dep habarlaıly QazAqparat.

«Bul joldaý halyqqa jaqyn joldaý dep baǵalaımyn. Óıtkeni, Prezıdent Úkimet múshelerimen tikeleı dıdarlasyp, túıtkildi máselelerdi tótesinen qoıyp, oǵan qatysty túıdek-túıdek tapsyrmany berip otyrdy. Bul turǵyda basty nazarda ádettegideı halyqtyń ál-aýqatynyń ósýi, turmystyq jaǵdaıy bolyp otyr. Óz basym Elbasynyń ár joldaýyn qalt jibermeı, qadaǵalap otyramyn. Parlamentte depýtat bolǵanda da talaı muqııat tyńdadym. Árqaısynyń óz ereksheligi bar, kóterer aýyr júgi bar. Bul jolǵysynyń ereksheligi mınıstr, ákim, túrli vedomstvo basshylary arqyly tikeleı baılanys boldy», - dedi Tólegen Muhamedjanov Elbasy kitaphanasynda elimizdiń daryndy jastaryna arnalǵan semınar-trenıngtegi kezdesýde. 

Avtor: Qanat Áýesbaı