Tólegen Qýanyshevtyń «Іz qaldyrǵan belester» atty kitaby jaryq kórdi

Avtor bul eńbeginde ata-babalardyń ónegeleri urpaqtan urpaqqa jalǵassyn, sondaı-aq óziniń ómiri men eńbek jolyn qurmet tutatyn keıingi urpaǵyna sózim qalsyn degen maqsatty ustanǵan.

Ár adamnyń ómirinen, eńbek jolynan úlgi-ónege alýǵa bolady. Bul kitapty jazýdaǵy maqsat osyndaı oı-tujyrymnan týǵan.

«Alǵashqyda ózim jazyp shyǵara alar ma ekenmin degen kúdiktiń bolǵanyn jasyra almaımyn. Biraq «kóz - qorqaq, qol - batyr» degendeı, alǵa qoıǵan maqsatymdy oryndaǵan sııaqtymyn», - deıdi T.Sh.Qýanyshev.

Aıta ketý kerek, Májilistiń alǵashqy shaqyrylymynyń depýtaty retinde Tólegen Qýanyshev táýelsiz elimizdiń ulttyq zańnamasynyń negizin qalaýshylardyń biri, «Dene shynyqtyrý jáne sport týraly» Qazaqstan Respýblıkasy Zańynyń avtorlarynyń biri, qoǵam qaıratkeri, ana tildiń janashyry, ulttyq sporttyń jankúıeri.

Bul kitapta avtordyń baspasóz betterinde jaryq kórgen eńbekteri, balalyq, jastyq, stýdenttik shaqtarynyń, sonymen birge eseıgen kezdegi ómiriniń sátteri beınelegen sýretter qamtylǵan.

Elimizdegi parlamentarızmniń damýy týraly oılar da ortaǵa salynǵan.