Tólebılik prokýror aýyl turǵyndarynyń máselesimen tanysty
Qadaǵalaýshy organ ókilderi aýyldardy aralap, aýmaqqa tán meselelerdi talqylaýda, dep habarlaıdy QazAqparat tilshisi.
Prokýrorlar eldi mekenderdegi týyndaǵan problemalardyń sheshý joldaryn qarastyrý men halyqqa qoldanystaǵy zańnamalardyń talaptaryn túsindirýdi, quqyqtyq buzýshylyqtyń aldyn alý men kámelet jasqa tolmaǵandardyń jynystyq tıispeýshiligine qatysty derekterdi boldyrmaý maqsatynda Kemeqalǵan, Kıelitas aýyldyq okrýgterinde kezekti kezdesý ótkizdi.
Jıynǵa Tólebı aýdanynyń prokýrory D.Tlemisov, Tólebı aýdandyq polıtsııa bóliminiń birinshi orynbasary K.Mırkasov, aýdandyq máslıhat depýtattary, aýyldyq okrýg ákimderi, polıtsııa ınspektorlary men aýyl turǵyndary qatysty.
Kezdesý barysynda aýdan prokýrory aýdandaǵy qylmystylyq jaǵdaıdy, onyń ishinde páter jáne mal urlyqtary, alaıaqtyq, buzaqylyq týraly atap ótip, quqyqtyq buzýshylyqtyń aldyn alý jáne kámelet jasqa tolmaǵandardyń jynystyq tıispeýshiligine qatysty derekterdi boldyrmaý maqsatynda zańnama talaptaryn keńinen túsindirip, ultaralyq tatýlyqty saqtaýǵa shaqyrdy. Sondaı-aq, aýdan prokýrory aýyl turǵyndaryna alaıaqtyq qylmystarǵa urynyp qalmaý jáne quqyqbuzýshylyq áreketpen betpe-bet kezdesken jaǵdaıda atqarylýy tıis jumystary týraly quqyqtyq baǵyt-baǵdar berdi.
Ýchaskelik polıtsııanyń turǵyndarmen tyǵyz baılanysta bolýyn aıta otyryp, ýchaskelik polıtsııanyń sýreti, aty-jóni, nomeri jazylǵan paraqshanyń birqatar mekemelerge ilinýin tapsyrdy. Jıyn sońynda aýdan prokýrory aýyl turǵyndary qoıǵan suraqtaryna zań turǵysynda jaýap berdi. Sonymen qatar, halyqqa qoldanystaǵy zańnamalyrynyń talaptaryn túsindirý boıynsha aqparattyq paraqshalar taratyldy.