Tólebılik polıtseıler birneshe mal urlyǵyna qatysy bar kúdiktini ustady
ShAıAN. QazAqparat - Tólebılik polıtseıler birneshe mal urlyǵyna qatysy bar kúdiktini qolǵa túsirdi, dep habarlaıdy QazAqparat Túrkistan oblystyq polıtsııa departamentiniń baspasóz qzymetine silteme jasap.
Mamyrdyń sońǵy kúninde Tólebı polıtseılerine jergilikti turǵynnan mal urlyǵyna qatysty habarlama kelip túsken. Aryzdanýshynyń málimdeýinshe, aýyl mańynda jaıylyp júrgen malynyń ishinen bir jylqysyn belgisiz bireýler urlap ketken.
«Bolǵan jaıt QR QK 188-baby boıynsha tirkeýge alyndy. Atalmysh urlyq jábirlenýshige 3 mln teńge kóleminde shyǵyn keltirgen. Osydan soń mal urlyǵy boıynsha taǵy bir aýyl turǵyny polıtsııaǵa habarlasyp, aýyl mańyndaǵy jaıylymnan bir jylqysy urlanǵanyn aıtqan. Jábirlenýshige 700 myń teńge kóleminde materıaldyq shyǵyn kelgen» delingen habarlamada.
Atalmysh qylmystardy izin sýytpaı jedel ashý maqsatynda polıtsııa qyzmetkerlerinen jedel-izdestirý toby quryldy. Bilikti polıtseıler qylmyskerlerdi quryqtaý úshin keshendi is-sharalardy atqardy. ıAǵnı, jaıylym jerlerin tyńǵylyqty tekserip, aımaqtardy tintip shyqty. Osylaısha jedel izdestirý nátıjesinde polıtseıler mal urlyǵyna qatysy bar sol aýyldyń turǵynyn quryqtady.
Tergeý barysy kórsetkendeı, kúdikti jaıylymnan 2 jylqyny bir kúnde jymqyrǵan. Sonymen qatar, kúdiktiden jaýap alý barysynda urlanǵan maldy tıisti orynǵa jetkizý úshin óziniń tanysyn kóligimen birge paıdalanǵany anyqtaldy. Al tanysy onyń kólikke artqan malynyń urlyqy ekenin bilmegen. Qazirgi tańda kúdiktige qatysty tergep-tekserý jumystary jalǵasýda.
Óz kezeginde Túrkistan oblysynyń polıtseıleri turǵyndarǵa mal jaıylymynda júrgen maldaryn qaraýsyz qaldyrmaý kerektigin eskertedi. Sondaı-aq, mal turaǵynyń sharýashylyq jaıy muqııat bekitilip, maldarǵa en salynyp, tańbalanýy qajettigin aıtady. Tórt túlik joǵalsa nemese urlansa, ýaqyt joǵaltpaı birden polıtsııaǵa habarlasý kerek.
