Tólebıde memlekettik-jekemenshik áriptestik aıasynda 20 nysan salynýda - OQO
ASTANA. QazAqparat - Tólebı aýdanynda Elbasy N.Á.Nazarbaevtyń «100 naqty qadam» Ult josparynyń 34-qadamy ─ memlekettik-jekemenshik áriptestikti damytý aıasynda birshama jobalar júzege asyp keledi, dep habarlaıdy OQO ákiminiń baspasóz qyzmeti.
Atap aıtqanda, aýdan ortalyǵy Leńgir qalasynan shyqqan jergilikti kásipker óz qarajaty esebinen salǵan 3 qabatty ǵımaratyn 10 jylǵa halyqqa qyzmet kórsetý ortalyǵy retinde tegin qoldanýǵa berdi. Bul kúnde eki jaqty kelisimsharttar jasalǵan, osy jyldyń 1 tamyzynda aýdandyq HQKO zaman talabyna saı jańa ǵımaratqa kóshetin bolady. Jergilikti kásipkerdiń áriptestik aıasy munymen shektelmeıdi. Taıaýda ol memlekettik-jekemenshik áriptestik negizinde Lenger qalasynan kóp qabatty turǵyn-úı, Arshaly eldi mekeninen 150 oryndyq mektep jáne balabaqsha salýdy josparalap otyr. Al aýdan ákimdigi tarapynan jer bólý jumystary júrgizilýde.
Sonymen qatar, Kýveıt memleketiniń QR Azııa musylmandar komıtetiniń ókili ıAser Mýhammed Alı myrzanyń demeýshiligimen Kóksáıek aýyldyq okrýgi, Jińishke eldi mekeninen medıtsınalyq bekettiń ǵımaratyn salýǵa 19,5 mln. teńge kóleminde qarjy bólinip, qurylys jumystary bastaldy.
Osyndaı medıtsınalyq beketter Qasqasý, Aqqum (Aqqumda 2 medıtsınalyq beket) eldi mekenderinde de salynady jáne Birinshi Mamyr eldi mekeninen aýyldyq dárigerlik ambýlatorııa boı kóteredi.
Munan bólek, Birinshi Mamyr aýyldyq okrýgi Álisher Naýaı eldi mekeninde elimizden shyqqan azamattardyń demeýshiligimen jańa kitaphananyń ǵımaratyn salý jumystary júrgizilýde. Jalpy alańy 104 sharshy metrdi quraıtyn nysannyń jer máselesi aýdan tarapynan sheshildi. Sondaı-aq, atalǵan aýyldyq okrýgte 100 oryndyq mekteptiń qurylysy júrmek. Іrgetasy 2017 jyly qalana bastaıtyn bilim ordasyn jeke kásipker «Yrysbekov» óz qarajatyna salmaqshy.
Taýly aımaqtyń eteginde ornalasqan Tólebıde sport salasyna da aıryqsha kóńil bólinýde. Búgingi tańda ondaǵy jeke kásipker B.Toılybaevtyń esebinen Leńgir qalasynda jabyq sport alańy men júzý basseıni jáne jattyǵý zalyn salýǵa qujattar ázirlenýde.
Sondaı-aq, bıylǵy jyly oblystyq máslıhattyń depýtaty M.Tóltebaevtyń demeýshiligimen aýdandaǵy 10 eldi mekende syrty qorshalǵan zamanaýı úlgidegi 10 ashyq sport alańshalary salynyp iske qosyldy.
Jyl sońyna deıin qosymsha demeýshilerdiń esebinen 8 sport alańshasynyń qurylysyn aıaqtap, iske qosý josparlanýda.
