Tólebıde eltańbasy bar jáshikti dárethanaǵa qoıǵan mektep basshylyǵy aıyppul tóleıdi

TÓLEBI. QazAqparat - Áleýmettik jelige monıtorıng júrgizý barysynda Túrkistan oblysy Tólebı aýdanynyń orta mektebinde Qazaqstannyń Memlekettik eltańbasy bar jáshik dárethanada tur degen aqparat kózge túsken, dep habarlaıdy QazAqparat.

Atalǵan jaıt polıtseılerdiń birden nazaryna alyndy.

Tólebı aýdanynyń tártip saqshylary jan-jaqty tekserý amaldaryn júrgizip, oqıǵanyń mektepte bolǵanyn anyqtady.

Nátıjesinde atalmysh mektep dırektorynyń oqý isi jónindegi orynbasaryna QR ÁQBtK 458-baby «Qazaqstannyń Memlekettik Týyn, Eltańbasyn paıdalaný, sondaı-aq Qazaqstannyń Memlekettik Gımnin paıdalaný jáne oryndaý tártibin buzý» boıynsha hattama toltyryldy.

Sonymen qatar áıelge memlekettik rámizderdiń mańyzy jáne zań aıasynda qorǵalatyny qatań eskertildi.

Eske sala keteıik, munyń aldynda atalǵan mekteptiń dırektoryna sógis jarııalanǵanyn habarlaǵan edik.

Foto: t.me/POLICE_of_KZ