Tólebı taýlarynda taǵy 2 týrıst qutqaryldy
31 shilde kúni saǵat 15.55-te shuǵyl kezekshilerge Tólebı aýdany Birkólik aýylynan habarlama kelip túsken. Atyraý qalasynan kelgen 1996 jáne 1999 jyly týǵan eki týrıst Birkólik shatqalyndaǵy taýǵa shyǵyp, ózdiginen túse almaı qalǵandaryn aıtqan.
«Іzdestirý-qutqarý jumystaryna jedel-qutqarý jasaǵynyń 5 qutqarýshysy shyǵyp, saǵat 17.50-de oqıǵa ornyna jetip, sol mezette adamdardy qutqarýǵa kiristi. Roı atty izdestirýshi ıttiń kómegimen tez arada marshrýt tabylyp, keshki saǵat 20.00-de qutqarýshylar týrısterdi aman-esen quzdan túsirdi. Jas jigitterdiń hal-jaǵdaıy qanaǵattanarlyq jaǵdaıda eken, olar medıtsınalyq kómekti qajet etpedi», - deıdi Shymkent qalalyq TJD jedel-qutqarý jasaǵynyń qutqarýshysy Baýyrjan Tuıaqbaev.
Jyl basynan beri bul taýda 4 tótenshe oqıǵa oryn alyp, 6 adam qutqaryldy. Onyń ishinde 2 bala bolǵan. Olarǵa aldyn ala dárigerlik kómek kórsetilgen.
Qutqarýshylar oblys turǵyndary men qonaqtaryna taýǵa shyǵar aldynda marshrýtty muqııat zerdelep, bul týraly jedel-qutqarý jasaǵyna táýlik boıy jumys isteıtin 54-93-04 nemese qutqarý qyzmetiniń 112 telefondary arqyly habarlaý qajettigin eskertedi.
