Tólebı aýdanynyń prokýrory turǵyndardy quqyq buzýshylyqtyń aldyn alýǵa shaqyrdy
Birinshi Mamyr jáne Alataý aýyldyq okrýgterinde ótken jıynǵa aýdandyq máslıhat depýtattary men aýyldyq okrýg ákimderi, polıtsııa ınspektorlary men aýyl ımamdary men turǵyndar qatysty, dep habarlaıdy QazAqparat tilshisi.
Jıyn barysynda quqyq buzýshylyqtyń aldyn alý jáne qoldanystaǵy zańnamalardyń talaptary túsindirildi. Sondaı-aq, kámeletke tolmaǵandardyń jynystyq tıispeýshiligine qarsy quqyqtyq profılaktıkalyq máseleler talqylandy. Aýdan prokýrory balalarǵa qataldyq tanytý jáne seksýaldyq zorlyq-zombylyq kórsetý búgingi qoǵamnyń basty problemalary ekenin atap ótti.
Bul problemalar men qylmystardyń qoǵamda qaýipti bolyp otyrǵanyn erekshe jetkizdi. Sondaı-aq, quqyqbuzýshylyq áreketpen betpe-bet kezdesken jaǵdaıda atqarylýy tıis jumystar týraly baǵyt-baǵdar berip, birlesken is-sharalar arqyly ǵana qylmyspen kúresýde oń jetistikterge jetýge bolatynyn eskertti. Bul baǵytta qylmyspen el bolyp, birigip kúresýge shaqyrdy. Kezdesý sońynda aýdan prokýroryna okrýg turǵyndary ózderin mazalap júrgen suraqtaryn qoıyp, zań aıasynda jaýaptaryn aldy.