Tólebı aýdanyndaǵy mektepterde alǵashqy qońyraý soǵyldy
TÓLEBI. QazAqparat – Túrkistan oblysy, Tólebı aýdanynda 1 qyrkúıek - Bilim kúni merekesine oraı alǵashqy qońyraý soǵyldy. Aýdan ákimi Baýyrjan Omarbekov bilim kúnine arnalǵan saltanatty sharaǵa qatysyp, jyly lebizin bildirdi, dep habarlaıdy QazAqparat tilshisi.
Bilim kúninde sóz alǵan aýdan basshysy ustazdar men mektep oqýshylarynyń aldynda jaýapty mindetter turǵanyn, bilim berý baǵdarlamalarynyń jańa baǵyttaryn meńgerý qajettigin atap ótti. Sondaı-aq, osy kúnnen bastap mektepke alǵash qadam basqan 1 synyp oqýshylaryn quttyqtady. «Búgingi erekshe, jaıma shýaq kúni jaqsy kóńil kúı, jańa jetistikter men ashylýlarǵa udaıy izdenis, shyǵarmashylyq, myqty densaýlyq tileımin! Jáne jańa bastamalarda tek qana sáttilik tileımin! Búgingi kún Sizder úshin úlken úmitter kúni bolsyn!»,-dedi Baýyrjan Omarbekov. Aıta keteıik, jalpy aýdandaǵy 68 mektepte (53 orta, 6 negizgi, 9 bastaýysh) ótken oqý jylynda 25907 oqýshy mektepte bilim alsa, 2019-2020 oqý jylyna 1-synypqa keletin 3300 balamen birge 27000 oqýshy bilim alady dep kútilýde. Barlyq mektepter zaman talabyna saı oqý quraldarymen qamtamasyz etilip, qajetti tehnologııalarmen jabdyqtalǵan.
