Tólebı aýdanyndaǵy qurylysy júrip jatqan joldardyń sapasy tekserildi
TÚRKІSTAN. QazAqparat – Túrkitan oblysy, Tólebı aýdany ákimdiginiń bastamasymen Lengir qalasynda qurylysy júrip jatqan joldardyń sapasy tekserildi. «Ulttyq jol aktıvteri sapasy ortalyǵy» RMK mamandary arnaıy quraldyń kómegimen oıyq alyp, saraptama jumystaryn bastady, dep habarlaıdy QazAqparat tilshisi.
Sapany baqylaýǵa aýdan ákimi B.Omarbekov pen «Nur Otan» partııasy Tólebı aýdandyq fılıaly tóraǵasynyń birinshi orynbasary Q.Qanseıtov, sondaı-aq aýdandyq máslıhat depýtattary jumystardyń basy qasynda boldy. Mamandar Lengir qalasyndaǵy Tólebı, Á.Bektaev, «Lengir - Shahta-Toǵys» baǵytyndaǵy joldardy tekserip shyqty. Qorytyndysy belgili bolǵan soń tıisti sheshim merdiger mekemelerge joldanatyn bolady. Atalmysh kóshelerdegi qurylys jumystary ótken jyly bastalyp, aǵymdaǵy jyly da júrgizilgen. Dese de aýdandyq turǵyn úı kommýnaldyq sharýashylyq, jolaýshylar kóligi jáne avtomobıl joldary bólimi tarapynan áli qabyldanbaǵan.
