Tólebı aýdanyndaǵy demalys aımaqtarynda karantın talaptaryn buzǵandar ákimshilik jazaǵa tartyldy
TÓLEBI. QazAqparat – Túrkistan oblysy, Tólebı aýdanyndaǵy demalys aımaqtarynda karantındik talaptardy saqtaý boıynsha arnaıy tekserý jumystary júrgizildi. Aýdanda qurylǵan mobıldi toptar saqtyq sharalary boıynsha halyqpen kezdesip, túsindirý sharalaryn qolǵa alǵan, dep habarlaıdy QazAqparat tilshisi.
Alataý aýyldyq okrýgi aýmaǵyndaǵy demalys oryndaryna arnaıy barǵan top músheleri «Taý samalyndaǵy» demalýshylardy úılerine qaıtardy. Sondaı-aq, karantın talaptaryn buzǵany úshin 7 jeke tulǵaǵa ákimshilik hattama toltyryldy. 3 demalys aımaǵynyń ákimshilerinen demalýshylardy qabyldaǵany úshin túsiniktemeler alynyp, aıyppul salý úshin aýdandyq taýarlar men kórsetiletin qyzmetterdiń sapasy men qaýipsizdigin baqylaý basqarmasy tarapynan hattamalar túzildi.
«Qazirgi tańda elimizde pandemııaǵa baılanysty qalyptasqan jaǵdaı barlyǵymyzǵa belgili. Jaǵdaıdyń turaqtalýy úshin indetpen birlesip kúresýimiz qajet. Sondyqtan aýdan turǵyndaryn karantındik rejım talaptaryn saqtaýǵa shaqyramyz!»,- deıdi top músheleri.
