Tólebı aýdanynda jemqorlyq máseleleri talqylandy

TÓLEBI. QazAqparat – Túrkistan oblysy, Tólebı aýdanynda sybaılas jemqorlyqqa qarsy kúres jáne onyń aldyn alý sharalaryna arnalǵan májilis ótti, dep habarlaıdy QazAqparat tilshisi.

Jıynǵa QR sybaılas jemqorlyqqa qarsy is-qımyl agenttiginiń Túrkistan oblysy boıynsha departamenti Saıram aımaǵy boıynsha basqarma basshysy men aýdandyq máslıhat hatshysy, aýdan prokýrory men UQK aýdandyq bólimshesiniń bastyǵy, polıtsııa bóliminiń bastyǵy men ardagerler keńesiniń tóraǵasy, qoǵamdyq keńes tóraǵasy men aýdan ákiminiń orynbasarlary qatysty.

Sonymen qatar, bólim basshylary men qyzmetkerleri, derbes bólim basshylary men qala, aýyldyq okrýg ákimderi, mekeme basshylary men mektep dırektorlary, bala-baqsha meńgerýshileri men kolledj dırektorlary shaqyryldy. Kezdesý barysynda Tólebı aýdany ákiminiń orynbasary Serjan Dúısebaev sybaılas jemqorlyqqa qarsy kúres máseleleri jónindegi komıssııanyń aǵymdaǵy jyldyń 9 aıynda atqarylǵan jumystary týraly baıandama jasady.

Saıram aımaǵy boıynsha sybaılas jemqorlyqqa qarsy is-qımyl basqarmanyń basshysy Shákir Tálipov sóz alyp, jıynǵa qatysýshylardy adaldyq, parasattylyq, ádildik, senim qundylyqtaryna jaqyn bolýǵa dáriptedi. Jınalǵandardy atalǵan qylmysqa qarsy qoǵamdy qalyptastyrýda birlesip jumys isteýge shaqyrdy.