Tólebı aýdanynda jas eriktilerdiń qatysýymen semınar-trenıng ótti

TÓLEBI. QazAqparat – Túrkistan obysy, Tólebı aýdanynda jas erikti stýdentterdiń qatysýymen semınar-trenıng ótti. Óńirdiń TJD, Qoǵamdyq damý basqarmasynyń «Jastar resýrstyq ortalyǵy» men Shymkent qalalyq jedel qutqarý jasaǵynyń qyzmetkerleri uıymdastyrǵan basqosýǵa oblystaǵy joǵary jáne orta arnaýly oqý oryndarynan 210 erikti jas pen stýdentter qatysty, dep habarlaıdy QazAqparat tilshisi.

Tólebı aýdanynyń Birkólik aýyly, «Báısheshek» lagerinde ótken semınar «Eriktiler korpýsyn damytý» taqyrybynda órbidi. Eki kúndik basqosý oblys aýmaǵynda erikti jastardyń jasaqtaryn damytý men jergilikti turǵyndardyń áleýetin arttyrýǵa yqpal etý, muqtaj adamdarǵa rııasyz erikti kómek kórsetý jáne adam qyzmetiniń erekshe úlgisin qalyptastyrý maqsatynda uıymdastyryldy.

Jastardy is-sharaǵa tartý arqyly uıymshyldyqqa, kóshbasshylyqqa jáne toppen birlesip jumys jasaýǵa mashyqtandyrýǵa baǵyttaldy. Semınar-trenıng barysynda Túrkistan qalasynyń TJB bas mamany, azamattyq qorǵaý aǵa leıtenanty R. Ordabek tótenshe jaǵdaıdyń aldyn alý boıynsha «Órt qaýipsizdigi» jaıly túsindirip ótti. Jastarǵa sonymen qatar «Ýly gazdan ýlanýdyń aldyn alý», «Jylytý maýsymyndaǵy qaýipsizdik» taqyryptarynda keńinen aıtylyp ótt. Shara sońynda jastar mamandarǵa suraq qoıyp, oǵan tıisti jaýaptar berildi.