Tólebı aýdanynda zamanaýı úlgidegi sporttyq-saýyqtyrý kesheni ashyldy
NUR-SULTAN. QazAqparat - Túrkistan oblysynyń ákimi Ómirzaq Shókeev Tólebı aýdany Leńgir qalasynda boı kótergen zamanaýı úlgidegi sporttyq-saýyqtyrý kesheniniń saltanatty ashylý rásimine qatysty, dep habarlaıdy QazAqparat oblystyq ákimdiktiń baspasóz qyzmetine sáltee jasap.
Memlekettik jekeshilik áriptestik aıasynda salynǵan jańa ortalyqta sportshylarymen júzdesken aımaq basshysy jergilikti jurtshylyqtyń buqaralyq sportqa kóptep tartylýyn quptaıtynyn jetkizdi.
«Oblys aýmaǵynda memlekettik jekeshilik áriptestik aıasynda jańa sport keshenderi kóptep salynýda. Osy arqyly sporttyq ınfraqurylymdar damyp keledi. Sportshylarǵa qarap óskeleń urpaq úlgi alyp, bolashaqta el chempıondaryna uqsaǵylary keledi. Ásirese, er bala úshin bul óte mańyzdy. Jastardyń bos ýaqyty bolmaý kerek. Osy jolda olarǵa múmkindik jasaý kerek», – dedi oblys basshysy Ómirzaq Estaıuly.
Jańa sporttyq-saýyqtyrý kesheninde 1400-den asa jastar men jasóspirimder sporttyń fýtbol, voleıbol, basketbol, boks, ústel tennıs, kúres túrlerinen kásibı turǵyda jattyǵa alady. Búginde Tólebı aýdanynda 364 sport nysany jumys isteıdi. Onda 35 myńnan astam adam shynyǵady.
